Parashikimi i Linekerit: Nuk do të mbarojë mirë, por Sarri tregoi se ka b***
Juventusi fitoi ndeshjen kundër Milanit, por u desh të vinte Dybala nga stoli, të zinte vendin e Ronaldos në minutën e 55-të, që të prishej ekuilibri rezultativ vetëm çerek orë nga fundi i supersfidës së të dielës. Ky ishte zëvendësimi i dytë brenda një jave i yllit portugez, pas atij në Moskë, kundër Lokomotiv, në Champions.

I pari kaloi pa bujë, ndërsa ai i mbrëmshmi ka marrë vëmendjen e mediave ndërkombëtare. “7” bardhezi shkoi direkt në dhomën e zhveshjes, tejet i irrituar. Çështja ekziston, edhe nëse Sarri minimizoi gjithçka në fund të lojës, duke nënvizuar përsëri problemin në gju të portugezit.
Pamjet, sidoqoftë, kanë bërë xhiron e botës. Edhe nga Anglia nuk kanë munguar komentet. Më i rëndësishmi është ai i Gary Lineker, i cili paralajmëron Sarrin për pasojat e pritshme, përmes llogarisë së tij në Twitter. “Sarri e zëvendëson për herë të dytë Ronaldon dhe portugezi kalon pranë tij e shkon direkt në dhomën e zhveshjes.
Nuk do të mbarojë mirë, mendoj. Sidoqoftë, mund të them se Sarri u tregua ai tipi me dy b*** të mëdhaja”.
Pra, ish-bomeri i shquar identifikon dy pika interesi në këtë çështje: thyerjen e mundshme të raportit me Ronaldon, por edhe guximin e trajnerit.
Guxim që shlyhet, sepse në vend të Cristiano Ronaldos hyri Dybala, i cili më në fund e zgjidhi ndeshjen me golin e tij. Megjithatë, kjo nuk mjafton për ta eklipsuar çështjen e portugezit. Lineker e thotë përsëri fjalën e tij:
“Dybala që doli në skenë (zëvendësoi) për Ronaldon shënon golin e vetëm të lojës. Sarri-Ballsy”. Një “kompliment” indirekt, ndër të tjera, për atributet e ish-trajnerit të Chelsea.
Shkurt, ai veprim i CR7 nuk përligjet, e gjithë bota e kuptoi se nuk u soll mirë. Por, nga ana tjetër, lartësohet personaliteti i Sarrit, i cili ka marrë përsipër barrën e madhe për ta zëvendësuar pesë herë fituesin e “Topit të Artë” në dy raste radhazi. Dhe, në të dyja rastet, fusha i dha të drejtë.


“Skuqet” Manchester-i, United triumfon dhe lë City-n -14 nga kreu
Arkitekti italian flet për stadiumin e ri në Shqipëri: Një model për kulturën italiane që të reflektojë
Anthony Joshua fiton duelin kundër Ruizit, shpallet sërish kampion bote në boks
Juventus pëson humbjen e parë sezonale, festë në Romë e Milano
Befasia nga Italia, Napoli mendon alternativat për stolin, Edy Reja kandidat
E konfirmuar, Eden Hazard mungesa e madhe në “El Clasico” kundër Barcelonës
I ftohti nuk ndërpret punimet në stadiumin e Kukësit, Gjici: Shpresojmë të jetë gati në verën e ardhshme
Vendosi titull racist, Roma dhe Milani i mbyllin dyert gazetës së njohur sportive italiane

Rreth Nesh


NEWZMAGNET eshte magneti juaj per lajme nga bota dhe vendi, argetim, showbiz,njoftime lokale pune, trajnime, etj
Te gjitha te rejat e fundit do ti gjeni tek ne!
Per me shume informacion ose per aplikime, na kontaktoni ne newzmagnet@gmail.com
Ju Mirepresim!

  • Copyright © 2019 www.newzmagnet.com